من ‏الافضل ‏في ‏التعلم ‏الكتب ‏ام ‏المقالات ‏ام ‏الفيديوهات؟

موضوع للنقاش : واش كتفضل الفيديوهات و لا Blogs و Books ؟؟ 

 بالنسبة ل blogs و books احسن بكثير من المحتوى الفيديوهات.

1- التدوينات و الكتب مكتفلت حتى معلومة معاهم، ملي كتكون كتقرا شي بلوج او كتاب فملي كتسهى مكاتمشيش المعلومة لانك غادي تلقى راسك كاع مقريتي والوا و الكتاب مكيزيدش لراسوا عكس الفيديوا لي كتكملوا احيانا و نتا في خارج مجرة درب الثبانة.

2- المعلومات اكثر : المعلومات لي كايكونوا فالكتب اكثر و احسن من الفيديوهات، حيث الكاتب ديما قادر اصحح الخطا ديالو بسهولة و اضيف معلومات اضافية بسهولة

3- المعلومات النادرة : غالبا كتلقاها مخبية فشي بلوج مرونة من 2001 او شي pdf مسلك. و هاذ المعلومات مستحيلة تلقاهم على اليوتيوب او Coursera ... دونك الى ولفتي تقرا غادي تسهال عليك المهمة.

4- ال docs و tldr و manual : مغاديش تلقا فيديوا او دورة كتجمع جميع المعلومات على شي منصة او اداة في حين ان هاذ الثلاثة كيجمعوا جميع المعلومات اللي متعلقة بهاذ الاداة او المنصة.

5- حياة المبرمج : نتا كمبرمج/مطور حياتك متعلقة بكتابة و قراءة الكود و الى مولفيتيش تقرا غادي تجيبها فراسك، اييه نتا لي كتاخد كود Copy/Paste  بلا متقرا Answer كاملها و لي كيخليك تطيح فشي مشاكل كان من الممكن تفادها😥.  

ملاحظة : الفيديوهات دائما كنتسعن بيهم نفهم الحاجة فالبداية و من بعد كنقز ل  Docs/Books/Blogs.  

و دائما عرف بلي خاصك تبدل واحد Effort باش توصل للمعلومة الكاملة .